منتدى شباب العرب
مرحبا بك في منتدى شباب العرب
لتتمكن من
الإستمتاع بكافة ما يوفره لك هذا المنتدى من خصائص, يجب عليك أن تسجل
الدخول الى حسابك في المنتدى. إن لم يكن لديك حساب بعد, نتشرف بدعوتك
لإنشائه في بضع توني





منتدى شباب العرب

| الوظائف | التعارف | دردشة | الدين | التغذية | الصحة| صور| الرياضة | الطرائف | النكت | ألعاب | الإنترنت |قضايا أدم وحواء | الروايات | القصص | الأنمي |أناشيد الاسلامية |
 
الرئيسيةخدماتس .و .جالتسجيلدخول
إعلانات

شاطر | 
 

  كل عــام احتجاج...كورتنا خاصها الديـباناج ...الغيواني وسي مغبون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جلال
عضو هام
عضو هام


عدد الرسائل : 102
نقاط التميز : 246
ذكر
البلد : مغربي

مُساهمةموضوع: كل عــام احتجاج...كورتنا خاصها الديـباناج ...الغيواني وسي مغبون   السبت 14 مايو - 15:22:26


حماري سي مغبون هاذ المرة ماشي أنا لي امشيت عندو ...اسمعتو كايغوت عليا من احدا الشرجم ...

وا فينك آ الطاساوي

خرجت عندو بسرعة فرحان لابس غير ابيجاما ماصدقتش حينت كان داير إضراب على الكلام ملي شتو قلت ليه :

ـ صافي اهداك الله ...الأعضاء ديالنا امقلقين عليك ..كايعتاقدو بلي طرا ليك شي مكروه...إ

ـ
اسمعت الدنيا كلها احتجاجات الراديو أو التلفزة أو الجرائد أو الناس
...مالكم آش كاين كل عام نلقاكم تحتجو ...كون كان شي كاس ديال الاحتجاج كون
كل عام تديوه كتعرف بلي الاحتجاج من شيم الضعفاء... واش ماركيتو شي هدف أو
ماحسبوش لاربيط؟

ـ
ولكن هاذ الحكام الأفارقة راهم كايظلمونا بزاف...ديما إيصفرو بيلانتيات
خياليين ضدنا ...كايظلمونا من زمان ... من ايامات الزايير ...الكونكو حاليا
..ملي شد الشاوي الحارس ديال المنتخب الكورة أو دفعوه صحة للشبكة أو الحكم
ماجور لاندي قال ليهم هدف أو تأهلات الزايير لكأس العالم ...كون غير حمرات
لوجه ديال الأفارقة ...خسرات ب8 مع يوغوزلافيا ديال الماريشال تيتو...
حينت لي كايعتمد على الغش في الامتحان كايبقى مفشوش ..من هاذيك ليام أو حنا
محكورين لا من إيدافع علينا...إ

ـ
أو هاذيك الجامعة آش كتدير؟أولا كتستعرض العضلات ديالها غير اعلينا ...غير
اعلى لفراقي الدراوش ...كل عام قوانين جديدة أو شي قانون ماكاين...البيع
أو الشرا على عينيك آبن عدي ...أو الفساد ضارب الأطناب ديالو في البطولة
...أو هي دايرة عاين ميكا ...قليل شي فرقة لي تطلع أولا تدي شي بطولة على
دراعها......أو ماكاينش لي إيحاسب المفسدين فينما تحتج شي فرقة مضرورة
إيقولو ليها معندناش الدليل ...الفرقة في المرتبة الأخيرة العام كامل... أو
في آخر الموسم ...سبحان مبدل الأحوال ...إ... تولي تربح بربعة أو ثلاثة باش اتحسن الكولافيراج... هاذاك الشي اعلاش كتمشيو ضعاف ماكتمشيوش واقفين على الصح ...كاين الفرقة لي كاتدي شي بطولة منذ زمان بالكولافيراج
أو مليينات إيفرقهم الحاج على ستين مسكين مادايزاش فيهم الصدقة ... منهم
مسؤولين أو لعابة أو سمسارة أو حياحة أو صحفيين ...أو في الامتحان ديال بصح
يعز المرء أو يهان...حينت مافيهش النقلة ...الناس إيلعبو الكورة أو انتوما
واعرين غير في الاحتجاج ...ملي آسيدي انتوما مظلومين هاذ الجامعة آش كتدير
؟..أو لا غير أسد علي وفي الحروب نعامة ...ملي إيديرو في لفراقي ديالنا أو
المنتخب ديالنا مابغاو تدير راسها في الرملة أو تخلي قزيبتها عريانة عرضة
للعاصفة تماما ابحال النعامة .

ـ
فعلا شت هاذ الجامعة كتخلعنا غير احنا أو ملي كتظلمنا الكاف أولا الفيفا
كتضربها بصقلة ماكتسمع غير الأبواق الإعلامية ديالها لي كايبقاو إيقولو
:"اللهم إن هذا منكر" أو المنكر راه ساكن معانا كارين ليه غير فابورأو
ماكاينش لي إيحاربو لي كايستافد منو ساكت أو لي مضرور ضعيف لا حول له ولا
قوة....إ

ـ
المنكر عايش امعانا كاين لاربيط لي كايحكم ثلاثات الماتشات متابعين لفرقة
وحدة ولاو شادين ليه بلاصة معاهم في الكار فابور دار ركن التعارف معا
المسؤولين أو اللعابة ...أو كاين الحكم لي كايصايفطوه روكوماندي لماتشات
ديال التخلويض باش إينزلو على شي فريقة ...كاين الفرقة لي امهالين فيها أو
لفريقة لي كايقولو ليها اتلاح آمعيزو ....واش كتعرف هاذ "اتلاح آ معيزو"؟

ـ لا ...ماكنعرفهاش ...إ

ـ
آسيدي هاذو ثلاثة كانو في طيارة صغيرة ...أو ملي طارو تبين ليهم بلي
الطيارة غير ديال جوج بلايص ماشي ثلاثة ويلا ماتلاحش واحد فيهم غاديا تطيح
بيهم ويموتو كاملين ...اللهم إيموت واحد أو لا ثلاثة ...فكر الميريكاني أو
لفرانساوي آش غادين إيديرو
؟...إلى دارو القرعة مزيانة للإفريقي حينت عندو معا الشعودة...غادين إيمشيو
ليه للحساب ...جدول الضرب أو الجواب في ثلاثات الثواني ...أو
اتافقو كاملين على هاذ الحل ...الميريكاني سول الفرنسي 4×4= كم ؟ ...قال
ليه الفرنسي بسرعة 16 ...أو الفرنسي سول الميريكاني 5×5 = كم؟...قال ليه
الميريكاني بسرعة 25 قال ليه الفرنسي: مزيان ...جات النوبة ديال الإفريقي
سولوه ابجوج في خطرة وحدة 16 ×25 = كم؟...ابقا الإفريقي كايفكر أو هو إيقول
ليهم : واقولو اتلاح آ معيزو بالعربية تاعرابت ...أو اتلاح مسكين ...إ

ـ هيا غادين نتلاحو احتا احنا ؟

ـ
واغير إلا اعطقنا هذاك الاعتراض ...معلوم لي اضعيف في هاذ العالم
إيتلاح...كنعرفو نتفطحو غير على بعضياتنا أو ملي كنشوفو شي فرقة مظلومة
كنميكو...أو كل واحد فينا كايقول المهم إيبعدو منا غير احنا أو لي ابغات
توقع توقع ...مصائب قوم عند قوم فوائد ...ماكتعرفوش راه النوبة جاياكم
...راه باش اقتلتي اتموت آملاك الموت ...الفساد عندكم هنا أو ماكتحتجوش أو
كتميكو ...عممر شي فرقة قوية ماساندات فرقة اخرى مظلومة... أو قالت :
"اللهم إن هذا منكر" كلها إيضرب على راسو ...أو ملي كتخرجو عند الأفارقة
كتذوقو من نفس الظلم لي كايذوقو لفراقي ديالكم الضعاف ماديا في البطولة...
ماكايناش شي فرقة ديال البطولة لي ماكانت ضحية ديال الفساد ...خاصكم تحتجو
على الفساد في البطولة ديالكم أو تحاربوه كاملين... القوي أو الضعيف... لي
عندو أو لي ماعندوش... واخا إيكون في صالح البعض ...أو تكونو معا الحق أو
الشفافية أو تسعاو للقوة أو تستافدو من الامتياز لي عندكم أو ماعندش
الأفارقة السود حينت كناخذو ليهم لعابة ديالهم بفلوسنا ولكن اللعابة
الأجانب لي كايسينيو عندنا مافيديهمش ...هوما لي جاو ماشي احنا لي قللبنا
عليهم ...من ايامات موسى نداو ماعمركم سينيتو لشي إفريقي واعر كايفوق
المستوى ديالو المستوى ديال اللعابة ديالكم ...شوفو الأفارقة لي كايجيبو
المصريين أو التوانسة واعرين من جودة عالية هاذاك الشي علاش داو اشحال من
بطولة إفريقية ...راه الأفارقة لي كتلعبو معاهم هما لي كايبيعو ليكم
اللعابة حينت محتاجين للفلوس أو كاين لي عندهم الحرب الأهلية أو الأغلبية
فقراء ...أو كايقصيوكم سنوات هاذي... ويلا اربحتوهم كتربحوهم غير بزز أولا
بالبيلانتيات ...هاذوك لي اربحتوهم بالبيلانتيات كون امشيتو عندهم آش غادين
تديرو ؟؟؟؟إإإإ....خاصكم اتنظفو المحال ديالكم ...عاداباش انتاقدو محلات
الناس ...شوق نعطيك دليل جديد على الفساد أو سياسة التمييز لي كتديرها
الجامعة ديالنا شوف غير البرمجة ديال الدورة 28 اعلاش خلاو مقابلة حتال
انهار الإثنين هي الأخيرة خاص الكوكب المراكشي لي أنا شخصيا ماباغيهاش تنزل
ابحال جل المغاربة أو ولات عندها معلمة عالمية ...أو وقع ليها ماوقع بسبب
الفساد ... خاصها تلعب في وقت واحد معا الفرق المهددة...باش تا واحد مايحس
بي لغبينة ...خاص الشفافية أو تساوي الفرص ....باغين احتا يشوفو النتائج
كاملة ديال السبت أو الحد ...ويشوفو واش إيدخلو أو لا فات الفوت ..."عاد
سولتيني كيف ابقيت" واعيق... آ لبريق..أو سير تنعس آ الغيواني راك لابس غير
ابيجاما... دابا ايضربك البرد أو ماتبقاش قادر على الاحتجاجات
الخاوية...تصبح على خير ...احتال
غدا أونكملو الموضوع ...أو خاصك تعرف...راكم اخسرتو غير بالفساد لي ساكتين
اعليه اهنا ..ماشي بالحكم الإفريقي ...هاذوك راهم ديما غادين إيبقاو هوما
هوما ...ما عمرك تنتاظر منهم الإنصاف "ألا من رحم ريك" ...كون ماكان عندكم
الفساد غادين اتكونو أقوياء أو لي ادى البطولة إيديها بدراعو...أو هاذ الشي
من زمان ... أو لفراقي كاملين إيهنيوه ...حينت عارفينو هو القوي فيهم ...أو تربحو الأفارقة بالحكام ديالهم ...إ

ـ فعلا آسي مغبون ...من كان بيته من زجاج لا يرشق الناس بالحجارة ...إ
الرجوع الى أعلى الصفحة اذهب الى الأسفل
AZER
مشرف ركن الشعر العربي
مشرف ركن الشعر العربي


عدد الرسائل : 431
نقاط التميز : 527
ذكر
البلد : تونسي

مُساهمةموضوع: رد: كل عــام احتجاج...كورتنا خاصها الديـباناج ...الغيواني وسي مغبون   الجمعة 20 مايو - 4:33:59


معـ اطيب تحياتى ...


الرجوع الى أعلى الصفحة اذهب الى الأسفل
samira
مراقبة عامة لمنتديات الصحة و شؤون آدم و حواء
مراقبة عامة لمنتديات الصحة و شؤون آدم و حواء


عدد الرسائل : 564
نقاط التميز : 950
انثى

مُساهمةموضوع: رد: كل عــام احتجاج...كورتنا خاصها الديـباناج ...الغيواني وسي مغبون   الإثنين 6 يونيو - 16:44:31

السلام عليكم



يسلمو ايديك على الموضوع الجميل



يعطيك ألف عافية ما قصرت



منور المنتدى بمواضيعك المميزة و الهادفة



بانتظار كل جديدكـ



وتقبل مروري
الرجوع الى أعلى الصفحة اذهب الى الأسفل
 
كل عــام احتجاج...كورتنا خاصها الديـباناج ...الغيواني وسي مغبون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب العرب  :: منتديات الترفيه Forums de divertissement :: ركن الرياضة شباب العرب-
انتقل الى: